Бүгін аудан әкімі Асылбек Шаменов белгілі журналист Бибігүл Дәулетбекқызымен бірге аудандағы бірқатар елді-мекендерді аралап, жерлесімізге ауылдардың қазіргі тыныс-тіршілігін таныстырды.

Журналист алғашқы сапарын Мақпалкөл ауылдық округіндегі "Ер-Әлі" шаруа қожалығының мал азығын жинау және «Құрманбай ата» шаруа қожалығының алма бағынан бастады. Кәсіп иесімен сұхбаттасып, шаруашылығы жайында пікір алмасты.

Сонымен қатар Бибігүл Дәулетбекқызы Мәдениет ауылдық округіндегі «Сыр толқыны» шаруа қожалығының егіс алқабына барып, күзгі егін жинау жұмыстарымен танысты. Еңбек,Таң, Аққұм ауылдарын аралап, жергілікті тұрғындармен тілдесіп, кәсіп иелерінің жұмыстарымен таныс болды.