Қазір таңда аудан халқы баллонмен сығымдалған пропан, бутан газдарын күнделікті тұрмыста ас әзірлеуге, үй жылытуға пайдаланады. Газды пайдалануда жіберген қателіктердің салдары адам өмірі мен денсаулығына, үйіңізге үлкен апаттар әкеледі. Бір адамның ұқыпсыздығынан, қауіпсіздік ережелерін сақтамауынан көрші тұратын бірнеше отбасы қайғылы жағдайға тап болып, зардап шегеді. Қарапайым ғана ережелерді есте ұстамаған жандар орны толмас өкінішке ұрынып жатады.

ҚР-ның 2012 жылғы 9 қаңтардағы «Газ және газбен жабдықтау туралы» Заңына сәйкес автогаз құю станцияларында 2 мұнай газын тұрмыстық газ баллондарға құюға қатаң тыйым салынады. Алайда тұтынушылар өздерінің тұрмыстық газ бал­­лондарына автогаз құю станцияларынан сұйы­тыл­­ған мұнай газын құйып қана қоймай, оған қоса құ­йылған газ қысымын нормалардан асыруды сұрайды. Газ баллонын салқыннан жылы жерге кіргізген кезде баллондағы газдың көлемі ұлғайып, қысымы еселенуіне әкеледі. Осының салдарынан газ баллонының түті­гінен газ шығуы, тұтынушылардың газ иісінен улануы, тіп­ті жарылыс болған авариялық жағдайлар жиі кез­десуде.

Сондықтан оқыс оқиғаларды болдырмау мақ­сатында Жалағаш кенті мен елді мекендерінде сұйыл­тылған газ нарығында газ таратушы газ толтыру стан­циялары бойынша халыққа қызмет көрсететін арнайы мамандандырылған рұқсаты бар газ тарату мекемелері қызметтерін пайдаланған жөн.

Газ пайдаланушы қондырғылар жарамсыз болған кезде арнайы газбен жабдықтау ұйымының қызметкерін шақырту қажет. Газ балонын пайдалану орындарында от жағуға, темекі шегуге, ақаулы электр жарық шам­дарын және электр құралдарын қосуға болмайды.

Құрметті аудан тұрғындары, тұрмыстық газ бал­лон­дарын және қондырғыларын пайдаланғанда қауіпсіздік талаптарын мүлтіксіз сақтауды ұмытпаңыздар. Тө­тенше жағдай орын алған жағдайда 101, 112 телефон нөмірлеріне хабарлауды ескертеміз!

Сонымен қатар Жалағаш ауданының төтенше жағдайлар бөлімінде 31-2-07 сенім телефоны жұмыс жасайтынын ескертеміз.