Елімізде өткізілген "Miss Virtual Kazakhstan" сұлулық байқауы жақында ғана өз мәресіне жетті. Сайыс туралы жеңімпаздарды марапаттау кешіне арнайы барып қайтқан NUR.KZ тілшісі хабарлайды.

Сұлулық сайысы осыдан төрт ай бұрын әлеуметтік желілерде ашық дауыс беру арқылы басталды.
Осымен үшінші рет ұйымдастырылып отырған жарыстың басты ерекшелігі - қатысушылардың жасы, салмағы, бойы және тұрмыстық жағдайы маңызды емес.
Яғни, Қазақстанның түкпір-түкпіріндегі кез келген ару бағын сынап көруге мүмкіндік алған.
Ал байқаудың ең басты сыйлығы - су жаңа автокөлік.

Қатысушылар төрт ай бойы желіде лүпіл жинап, нәтижесінде Атырау қаласының тұрғыны - Айзада Жолмағанбетова жеңіске жетіп, автокөлік иесі атанды.