«AMANAT» партиясы Жалағаш аудандық филиалының «Жастар» және «Дарын» бастауыш партия ұйымдарының бірлесіп ұйымдастыруымен 1 сәуір – Күлкі күніне орай «Ауылдың айтқыштарының әңгімелері» атты еркін форматта кездесу өткізілді.

Кездесуге «Жалағаш жаршысы» газетінің тілшісі, Қазақстан Жазушылар одағының мүшесі Қуат Адис, «Дін мәселелерін зерттеу орталығы» КММ-нің Жалағаш аудандық бөлім меңгерушісі А.Байқабылов, «Жалағаш аудандық жастар ресурстық орталығы» КММ-нің директоры, «Жастар» бастауыш партия ұйымының төрағасы Н.Амандық және ауданымыздың жас жайдарманшылары қатысты.

Кездесу барысында келген қонақтар өздерінің қызықты оқиғаларымен бөлісіп, әзілдерін айтты. Сонымен қатар, жас жайдарманшыларға сахна мәдениетін сақтап, арзан ойын-күлкіні желеу етпей, жастарымыздың өмірге деген көзқарасын байсалды қалыптастыруға шақырды.