Жуырда Мемлекет басшысы, «Amanat» партиясының төрағасы Қасым-Жомарт Тоқаев партияны модернизациялауды тапсырғаны белгілі. Соған сәйкес партияны қайта жаңғырту бағдарламасы аясында түрлі жұмыстар қолға алынды. Нәтижесінде партия өкілдері жергілікті халықпен қоғамдық қабылдау өткізіп, мұң-мұқтажына құлақ асуда. Әсіресе елді мекендерде ұйымдастырылған мобильді топтың қоғамдық қабылдауы көптеген мәселенің түйінін тарқатуға сеп болуда.

«Amanat» партиясының мобильді топ өкілдері М.Шәменов ауылында тұр­ғын­дармен кездесу өткізді. Топ мүшелігінде облыстық партия филиалы Саяси кеңе­сінің мүшесі, облыстық мәслихаттың де­путаты Гүлнар Есқалиева, аудан әкі­мінің орынбасары Жасұлан Еспенбет, пар­тияның облыстық филиалының қоғамдық қабылдау бөлмесінің меңгерушісі Нұр­лан Әбдікәрімов, облыстық табиғи ре­сурстар және табиғатты пайдалануды реттеу басқармасының бөлім басшысы Жұлдызай Айтжанова, Түркістан, Қызыл­орда облыстары бойынша өңіраралық заң консультанттары палатасының заң кеңесшісі Гүлбаршын Әбдіқалықова, об­­­­­лыстық тарихи және мәдени ескерт­кіш­­терді қорғау мекемесінің бөлім мең­герушісі Ғалымжан Садықов, «Amanat» партиясының аудандық филиалының ат­қарушы хатшысы Қаншагүл Мұстафаева, аудандық мәслихат депутаты Нарбота Серәлі болды.

Ауылдық жерлерде мәселе жоқ емес. Әсіресе тұрғындар көкейіндегі талап-ті­лек, ұсыныс-пікір мен мұң-мұқтажын ау­дан орталығына келіп жеткізе беруге мүмкіндік бола бермейді. Ал партияның жаңа бағыты, жаңа қарқындағы жұмысы осындай қиындықтарды ескере отырып, басшылардың тиісінше ауылдарға іс-сапармен барып, халықпен қабылдау өт­кізуіне жағдай жасауда. Жоғарыда аталған азаматтар осының ізімен ауыл халқының үніне құлақ түріп, барлық мәселелерді партиялық бақылауына алды. Партия өкілдеріне ұсыныс айта келген жұртшылық ауылдағы барлық мәселеге бей-жай қарамайтынын байқатты.

Қоғамдық қабылдау барысында тұр­ғындар жұмысқа орналасу, ескі мектеп ғи­маратын бұзу, елді мекенде электр же­лілерін күрделі жөндеуден өткізу, спортпен айналысатын орынның қажеттігі, «Түмен әулие» кесенесіне баратын жол салу, ауылдағы туризмді дамыту, елді мекенді аяқ сумен қамтамасыз ету, №18 «Бөбек» бөбекжай ғимаратының тозығы жеткені, жаңа ғимарат салынуы керектігі, ауылдық округтің кіреберісіне бейнебақылау каме­расын орнату, ауыл шаруашылығы мақ­сатындағы пайдаланбай жатқан жер мә­се­лесі, елді мекендегі көшелерге жарық шамдар орнату мәселелерін көтерді. Ауыл­­дық округтегі әрбір тұрғынның өті­нішін тыңдаған мобильді топ өкілдері мә­­селелердің біршамасына нақты жауап бер­се, қалғанын партия өз бақылауына алды.

Партиялық бақылаудың нәтижесінде қазіргі таңда түйінді мәселелердің бір­қатары шешімін тауып, кейбірі назарға алынып, тиісті жұмыстар жасалуда. Ауыл мектебі апаттық деп танылып, ғимаратты бұзу жұмыстары қолға алынса, тиісті ме­кемелер арқылы ауылдағы электр жүйе­лерін жаңғыртуға жоба-сметалық құ­­жат­тар әзірленуде. Елді мекендегі жер мәселесіне қатысты аудандық жер қа­ты­настары бөлімі мамандары жауап бе­ріп, аяқ су мәселесін шешу үшін ау­дан қазынасынан қаржы қаралатынын жеткізді.

Қарап отырғанымыздай, ауылдық жер­лерде мәселе жоқ емес. Әсіресе аяқ су­дың тапшылығынан басталатын мұндай түйт­кілді мәселелер бәрімізге таныс. Көп­тің көкейінде жүрген мәселелердің оң шешімін табуына ықпал жасауды, әлеу­меттік, қоғамдық және өзге де ортақ түйіт­кілді мәселелердің шешілуіне ықпал етуді, бағыт-бағдар беруді көздеген топ өкілдері әрбір тұрғынның өтінішіне құлақ асып, министрліктерге жеткізуді жауап­кершіліктеріне алады. Қолдан келе­тін бол­са, оң шешімін табуға жұмыс жа­салады.

Бұған дейін де партия өкілдері Есет батыр, Жаңадария елді мекендерінде болып, тұрғындармен кездескен болатын. Шалғай ауылдардағы ағайынның талап-тілегіне құлақ асқан мобильді топ өкілдері олардың бірқатарының шешімін табуына жұмыс жасады.