Мемлекет басшысы Қасым-Жомарт Кемелұлы Тоқаев ағымдағы жылдың 16 наурызында Қазақстан халқына арнаған Жолдауын жолдаған болатын. «Жаңа Қазақстан: жаңару мен жаңғыру жолы» атты Жолдау аясында жалпы Қазақстанның жүйелі трансформациясына ықпал ететін және мемлекеттің ұзақ мерзімді дамуының жаңа парадигмасын айқындайтын саяси реформалардың басым бағыттары белгіленді.

Осы референдумның және конституциялық реформалардың мән-маңызын қолдау мақсатында Мәжіліс депутаттарының өңірлерге сапары басталады. Бүгін осы орайда, Қазақстан Республикасы Парламенті Мәжілісінің депутаттары Бақытбек Смағұл мен Генадий Шиповских Жалағаш аудандық мәслихат депутаттарымен кездесті. Келелі кездесу барысында Мәжіліс депутаттары Мемлекет басшысының бастамасымен өткізгелі тұрған Референдумның маңыздылығын айтып өтті.

Келелі кездесуге «AMANAT» және «Ауыл» партиясынан сайланған Жалағаш аудандық мәслихат депутаттары қатысты.