Елдегі ми қайнатар ыстық алдағы күндері бірқатар облыстарда сақталады
"Қазгидромет" РМК өкілдері республикадағы аптап ыстыққа байланысты бірқатар облыстарда дауылдық ескерту жариялады деп хабарлайды NUR.KZ.
Cиноптиктердің болжамынша, 25-29 шілдеде күндіз Қарағанды облысының кей жерлерінде 40-42 градус өте қатты ыстық күтіледі.
Сондай-ақ, 25-29 шілдеде Қызылорда, Оңтүстік Қазақстан облыстарының кей жерлерінде 45 градус ыстық күтілсе, 26-30 шілдеде Жамбыл, Алматы облыстарының кей жерлерінде 40-43 градус аптап ыстық болады деп болжануда.
Сонымен қатар бүгін 22 шілдеде Солтүстік Қазақстанда солтүстік-шығыстан соғатын желдің күші түнде кей жерлерде 15-20 м/с, күндіз 15-20, кей жерлерде екпіні 25 м/с дейін жетуі мүмкін.
Петропавл қаласында 22 шілдеде солтүстік-шығыстан соғатын желдің күші 15-20 м/с күтіледі.
https://kaz.nur.kz
