Тарихты түгендеген той
Күнгейдегі көршіміз биыл ҰБТ қорытындысы бойынша облыста көш бастады. Мұнан бөлек әр салада серпін алған жұмыс тұрғындардың әлеуметтік жағдайының жоғарылауын қамтамасыз етті. Шаруашылықтар да мол өнімге қол жеткізіп, өңір қамбасының қазынасын молайтуда. Жергілікті кәсіпкерлер табысқа кенелу арқылы тұрақты салық базасын қалыптастыруда өзіндік қолтаңбасын қалдырды. Айта берсек, 90 жылдық тарихы бар Сырдария өңірінде осындай тындырымды іс жетерлік. Енді көгілдір отынға қол жеткізсе қатты отынға да тәуелді болмайды. Бәлкім ол күннің де ауылы алыс болмаса керек, кент орталығынан көпқабатты зәулім үйлер бой көтере бастаған. Торқалы тойын республикалық деңгейде атап өткен аймақта біз де қонақта болдық. Жалпы бұл өңір қандай шара ұйымдастырса да өткенін ұлықтап, өшкенін жандыруды жадынан шығарған емес. Биыл да сол дәстүрден жаңылмады.
Ғасырға жуық тарихы бар аудан ат шаптырып, аламан бәйге де ұйымдастырды. Зиялы қауым өкілдерінің басын қосып, ғылыми-танымдық конференция да өткізді, ақындар өңірде орын алған оң өзгерістерді жырға арқау етті. Бір сөзбен айтқанда, Тереңөзек тарихы тереңнен сыр шертті.
Аламан айтыста бұл өнерді халықтың сағына күтетіні айқын сезілді. Жыр додасы басталған бойда айтыскерлерге деген көрерменнің құрметі ерекше болды. Алдымен өрендердің аяқ алысын білейін деді ме, Жүрсін Ерман ағамыз сырдариялық жас ақындарға сөз бастатты. Қос жұп жас деген аты болмаса сөз саптауда адуынды ақындардан қалыс қалмады. Жалпы сахнада ақындар бұл өнердің барлық түрін қайта жаңғыртты. Өтірік өлең, қыз бен жігіт сияқты айтыстың түрлері арқылы астарлап шындықты да жеткізді, сатирамен көрерменге де көтеріңкі көңіл-күй сыйлады.
Бұл сөз бәйгесінде БҚО-дан келген Жансая Мусина алғашқы айтысын сырдариялық Нұрмат Мансұровпен өткізді. Қағытпалы қалжыңмен керемет айтыстың үлгісін көрсеткен қос жұп көрермен көңілін бір көтеріп тастады. Толық ұпайды қанжығасына байлаған олар келесі кезеңге жолдама алып, алғашқы орындардан бой көрсетті. Жерлесіміз Мұхтар Ниязов Алматыдан келген Сезімхан Шұғайовпен айтысып, өзінің бұл өнерде бұрыннан қолтаңбасы барын тағы бір мәрте дәлелдеді. Мақсат Ақанов, Еркебұлан Қайназаров, Мейірбек Сұлтанхан сынды бірқатар ақындар да өңір тарихын жырға арқау етіп, халықтың қошеметіне бөленді. ҚР Еңбек сіңірген қайраткері, ақын, композитор Елена Әбдіқалықова төрағалық еткен қазылар алқасы сөз зергерлерінің өнерін жоғары бағалап, сый-құрмет көрсетті. Айтыстың бас жүлдесі Тереңөзектің тумасы Нұрмат Мансұровқа бұйырып, сырдариялықтар сөз додасында сенімді ақтаған баласына темір тұлпар мінгізді. Ал, бірінші орынды қанағат тұтқан Жайықтың Жансаясына 500 мың теңге табысталды. Келесі орыннан бой көрсеткен облыстың мақтанышы Мейірбек Сұлтанхан да қаржылай сыйлыққа қол жеткізді. Үздік үштікті түйіндеген жерлесіміз, «Алтын домбыра» айтысының екі мәрте жеңімпазы Мұхтар Ниязовқа 300 мың теңге табысталды. Сондай-ақ, Мұхтар Ниязовқа аудан халқы астына ат мінгізді. Мұнан бөлек басқа да ақындарға арнайы алғыс хаттар мен 200 мың теңге сыйақы табысталды.
К.БАЛҒАБАЙ.
Ғасырға жуық тарихы бар аудан ат шаптырып, аламан бәйге де ұйымдастырды. Зиялы қауым өкілдерінің басын қосып, ғылыми-танымдық конференция да өткізді, ақындар өңірде орын алған оң өзгерістерді жырға арқау етті. Бір сөзбен айтқанда, Тереңөзек тарихы тереңнен сыр шертті.
Аламан айтыста бұл өнерді халықтың сағына күтетіні айқын сезілді. Жыр додасы басталған бойда айтыскерлерге деген көрерменнің құрметі ерекше болды. Алдымен өрендердің аяқ алысын білейін деді ме, Жүрсін Ерман ағамыз сырдариялық жас ақындарға сөз бастатты. Қос жұп жас деген аты болмаса сөз саптауда адуынды ақындардан қалыс қалмады. Жалпы сахнада ақындар бұл өнердің барлық түрін қайта жаңғыртты. Өтірік өлең, қыз бен жігіт сияқты айтыстың түрлері арқылы астарлап шындықты да жеткізді, сатирамен көрерменге де көтеріңкі көңіл-күй сыйлады.
Бұл сөз бәйгесінде БҚО-дан келген Жансая Мусина алғашқы айтысын сырдариялық Нұрмат Мансұровпен өткізді. Қағытпалы қалжыңмен керемет айтыстың үлгісін көрсеткен қос жұп көрермен көңілін бір көтеріп тастады. Толық ұпайды қанжығасына байлаған олар келесі кезеңге жолдама алып, алғашқы орындардан бой көрсетті. Жерлесіміз Мұхтар Ниязов Алматыдан келген Сезімхан Шұғайовпен айтысып, өзінің бұл өнерде бұрыннан қолтаңбасы барын тағы бір мәрте дәлелдеді. Мақсат Ақанов, Еркебұлан Қайназаров, Мейірбек Сұлтанхан сынды бірқатар ақындар да өңір тарихын жырға арқау етіп, халықтың қошеметіне бөленді. ҚР Еңбек сіңірген қайраткері, ақын, композитор Елена Әбдіқалықова төрағалық еткен қазылар алқасы сөз зергерлерінің өнерін жоғары бағалап, сый-құрмет көрсетті. Айтыстың бас жүлдесі Тереңөзектің тумасы Нұрмат Мансұровқа бұйырып, сырдариялықтар сөз додасында сенімді ақтаған баласына темір тұлпар мінгізді. Ал, бірінші орынды қанағат тұтқан Жайықтың Жансаясына 500 мың теңге табысталды. Келесі орыннан бой көрсеткен облыстың мақтанышы Мейірбек Сұлтанхан да қаржылай сыйлыққа қол жеткізді. Үздік үштікті түйіндеген жерлесіміз, «Алтын домбыра» айтысының екі мәрте жеңімпазы Мұхтар Ниязовқа 300 мың теңге табысталды. Сондай-ақ, Мұхтар Ниязовқа аудан халқы астына ат мінгізді. Мұнан бөлек басқа да ақындарға арнайы алғыс хаттар мен 200 мың теңге сыйақы табысталды.
К.БАЛҒАБАЙ.
