Кәмелет жасқа толмай тұрмыс құрған грузиялық арулардың өмірі қандай?
Еуропада кәмелеттік жасқа толмағандардың некесі ең көп болып саналатын мемлекет ол - Грузия. Бұл елде халық қыздарын 18-ге толмаған шағында заңды айналып өтпек болып, дәстүр негізінде тұрмысқа шығарып жатады. Елдегі бойжткендердің 17%-ы осындай жағдайға тап болған деп жазады bigpicture.ru сайтына сілтеме жасаған NUR.KZ.
Грузия халқы қыздарын салт-дәстүр бойынша ұзатып жіберіп, некесін заңдастыруды кәмелет жастан асқаннан кейін ғана қолға алады. Осылайша олар заңды бұзбаған болып есептелінеді.
Көптеген халықаралық ұйымдар бұл елдегі қыздардың өміріне алаңдауда. Өйткені бойжеткендердің басым көпшілігі өз еркінен тыс тұрмысқа шығып жатады.
Бұл күрделі мәселемен айналыспақ болған танымал фотожурналист Даро Сулакаури өзінің басынан өткен оқиғасымен бөліскен.
"12 жасымда өзімнің сыныптасым үйленіп кетті. Бұл мен үшін тым түсініксіз жағдай болды. Кейіннен өсе келе оның не себепті ерте шыққанын ұғына бастадым. Бұл заңды айналып өту үрдісіне нүкте қойылу керек. Қыздар өз болашағына өздері ғана ықпал ету керек деп есептеймін", - деп айтты ол.
Кәмелетке толмай қалындық атанып жататын арулар көп жағдайда оқуын тастап, үй шаруасына кірісіп кетіп жатады. Осыған орай Грузияда сауатсыздық мәселесіде туындайды.
Жастай тұрмысқа шығатын қыздардың жолдастары өздерінен анағұрлым үлкен ер адамдар. Әрбір отбасы мейілінше бай әрі ауқатты жанұямен құда болғысы келеді.
Даро бұл мәселеге әлем назар аударып, оны шешіге ықпал етсе деген ниет білдіріп отыр. Оның айтуынаш, заңмен қатаң тыйым салынғанымен ондай некелер Грузияда әлі де белең алып отыр.
nur.kz