«Алтын белгі» медалінің 500 мыңға сатылуына қатысты министрлік түсіндірме берді
![](/uploads/posts/2018-01/medium/1516875909_4c78b94fac1483e7b9d525dfc2ae84ca_resize_w_520_h_.jpeg)
Қазақстандық интернет сауда желісінде «Алтын белгі» төсбелгісі сатылады деген хабарлама пайда болды. Хабарламаның авторы медальді Алматыда 500 мың теңгеге сататынын көрсеткен, деп хабарлайды Baq.kz ақпарат агенттігі Tengrinews.kz-ке сілтеме жасап.
Білім және ғылым министрлігі хабарламаға байланысты түсіндірме берді. Мекеменің айтуынша, заңда төсбелгілердің сатылуына тыйым салынбаған.
![](https://baq.kz/storage/43/436a17fab9c014c4a946137935e5853a.jpg)
«Бұл есімі көрсетілген медаль. Медаль иегердің аты-жөні көрсетілген сертификатпен бірге жүреді. Яғни оны пайдалану үшін біреуге беру не сату мүмкін емес. Тек қызығушылық танытқан коллекционерлер үшін ғана мүмкін», - дейді министрлік.«Әрине біз мұндай әрекеттерді қолдамаймыз, бірақ қылмыстық қудаланбайды, өйткені медальдің көмегімен ешкім «Алтын белгі» медалі иегерлерінің жеңілдіктерін пайдалана алмайды», - деп нақтылады БҒМ.