Жуырда аудандық ішкі істер бөлімінің жергілікті полиция қызметі аудандағы такси жұмысын ретке келтіру мақсатында «Такси» профилактикалық іс-шарасын өт­кізді.

Жергілікті полиция қызметінің инспек­торы, полиция лейтенанты­ Айжан Назарбаева­ның айтуынша, іс-шара барысында такси жүр­гізу­ші­леріне түсіндірме жұмыстары жүр­­­гізіліп, бірқатар заңбұзу­шы­лық­ анықталған.

– Профилактикалық іс-шараның мақсаты – аудан көлемінде такси ре­тінде жолаушыларды тасы­мал­дауға аудандық салық органдарында кәсіпкер ретінде тіркеліп, жолау­шыларды тасымалдауды жүзеге асыру кезінде, яғни рейс алдындағы техникалық қарап-тексеруден өт­пеген және рейс алдындағы меди­циналық қарап-тексеруден өт­пеген жүргізушілерді анық­тау. Со­нымен қатар, жол-көлік оқиға­ларының алдын-алу және жолаушы тасымалдаушы ав­то­көліктердің жүргізушілерінің тасымалдау заң­дылығын тексеріп, жүргізуші тарапынан заң бұзушылыққа жол бер­гендерді анықтау. Осы тұрғыда оларға қатысты заңдылықты бұз­ғандары үшін ҚР ӘҚБтК-нің 590 бабына сәйкес, әкімшілік шараларын көріп, алдағы уақытта заң бұзушылықтарына жол бермеу бағытында түсіндірме жұ­мыстары жүргізілді, – дейді ол.

Айта кетейік, алдағы уақытта да құқық бұзушылық деректерін анықтау мақсатындағы рейд жұмыстары жал­ғасын таппақ.

Сондай-ақ, өңірде «Назар ауда­ры­ң­ыз,­ жаяу жүргінші!» атты профилак­ти­ка­лық іс-ша­ра­ да өткізілгенін айта кеткен жөн.

Жала­ғаш АПБ-нің Жергілікті полиция қызметінің қызметкерлерімен аудандағы жаяу жүргіншілердің жүру қауіпсіздігін сақтау және олардың қатысуымен жол-көлік оқиғасының алдын алу бағытындағы бұл жұмыстардың нәтижесі де жаман емес.

Рейдтің алғашқы 3 күнінде 29 жол жүрісі ережелерін бұзған азаматтар анықталыпты. Ал, іс-шара қорытындысы бойынша ережеге мән бермегендерге тиісті хаттама толтырылған.