Қарағандыда балабақша қожайыны сотталды 30-ға жуық адамнан алаяқтық жолмен ақша алып, тақырға отырғызған жеке балабақша қожайыны сотталды. Мектепке дейінгі мекемені гүлдендірем деп елдің 47 миллион теңгесін жоқ қылған Анна Богатова 5 жылға бас бостандығынан айырылды.
   Дәлірек айтсақ, Анна Богатованың сөзіне айрандай ұйыған ата аналар оған кемі 1 миллион теңгеден қарыз беріпті. Арасында, оның қолына 3-4 миллиондап ұстатқандары да бар екен. Қарыз бергендердің балаларын мектепке дейін тегін тәрбиелеуге уағдаласыпты. Алайда, ақшаны қайтаратын уақыт таяғанда кәсіпкер түрлі сылтаумен уақыт созып жүріп алған. 

  Ақыр аяғында оған қарасты қаладағы 4 балабақша да жұмысын тоқтатыпты. Сөйтсе ол ғимараттардың жалдау ақысын төлемеген екен. Күдікті бизнестегі серіктесі алдап соғып, қарызға белшесінен батырып кеткенін айтып ақталған. Дегенмен судья оған елдің ақшасын қайтаруды міндеттеп, 5 жыл жаза кесті.    Дарья Шахова зардап шегуші: - Маған 1 миллион теңге қарыз. Қарызды қайтарратынына сенімім аз. Өйткені 50 миллион теңгеге жуық ақшаны төлеу мүмкін емес сияқты меніңше. Бірақ бас бостандығынан айырылғаны дұрыс болды. Өзіне де, өзгеге де сабақ.  

ktk.kz