Қыста D дәруменін қайдан аламыз?

Ол денеге кальцийді жұтып, сүйектердің өсуіне ықпал етуге керек. Егер D дәрумені жетіспесе, балаларда сүйектің жұмсаруына, ал ересектерде сүйектердің қисаюына әкеледі. Қазіргі кезде D дәруменінің жетіспеушілігін сүт безі, тоқ ішек, қуықалды без ісігімен, жүрек ауруларымен, депрессиямен және артық салмақпен байланыстырады.
Дәруменнің жеткілікті мөлшерін қалай алуға болады? D дәруменін азық-түліктен немесе тағамдық қосымшалардан алған жөн. Санаулы азық-түліктерде ғана болады. D дәруменінің үш керемет тағамдық көзі – арқан балық (лосось), скумбрия, саңырауқұлақтар. Сонымен қатар D дәруменін суда консервіленген тунецтен, майда консервіленген сардинадан, сиыр бауырынан, жұмыртқаның сарысынан және ірімшіктен ала аласыз.