Fly Arystan әуекомпаниясының билеттері «Эйр Астананың» бағасынан 2 есе арзан болады
Fly Arystan әуекомпаниясының билеттері – «Эйр Астананың» бағасынан 2 есе төмен. Бүгін үкіметтің кеңейтілген отырысында сөз сөйлеген индустрия және инфрақұрылымдық даму министрі Жеңіс Қасымбек осылай дейді, деп хабарлайды ҚазАқпаратқа сілтеме жасап Stan.kz.
Министрдің сөзінше, Fly Arystan әуекомпаниясы іске қосылғаннан кейін алғашқы бір жылда 1 миллион жолаушыға дейін тасымалдау жоспарланып отыр. Оның сөзінше, аталған әуекомпаниясының билеттері «Эйр Астанаға» қарағанда 2 есе арзан болады.
«Алғашқы жылы пайдалануда 1 млн жолаушыға дейін тасымалдау жоспарлануда, бұл «Эйр Астананың» бағасынан 2 есе төмен. Көлік саласын дамыту бойынша алға қойылған міндеттерді одан әрі іске асыру 2025 жылға дейінгі «Нұрлы жол» бағдарламасында көрініс табатын болады», – дейді ведомство басшысы.
Сонымен қатар Жеңіс Қасымбек Fly Arystan әуекомпаниясын биылғы жылдың бірінші жартысында іске қосу жоспарланғанын атап өтті.
Stan.kz
Пікір 2