Ықылым заманнан келе жатқан «Білекті бірді жығар, білімді мыңды жығар» деген сөз бар. Дана халықтың бұл сөзі бүгінгі заманның ұранына айналды десе де артықтық етпейді. Өйткені, бұл заман білекке емес, білімге сенетін заман. Ал, сол білімді жасты тәрбиелейтін жандардың еңбегі орасан зор.

Осы қастерлі мамандықтың қадірін біліп, шәкірттерінің бойына бар асыл қасиеттерді ұялатып, өн бойына ұстазға тән салмақтылық пен білімпаздықты жия білген білікті мамандар ауданда да көптеп сана­лады. Ауданымыздың білім бәй­гесінде мерейін асырып, талай-талай белестерді бағындырып, ҰБТ қорытындысымен бірнеше жыл қатарынан алдыңғы үштіктен көрінуі ұстаз еңбегінің жемісі. 8 нау­рыз – халықаралық әйелдер күні қар­саңында аудан әкімі Қайратбек Сәрсенбаев «Ал-Нұр» мейрамха­­насында білім саласының қыз­мет­­керлерін қабылдады. Салтанат­ты шара шымылдығы аудан бас­шысының құттықтау сөзімен ашыл­ды.

– Шұғылалы көктеммен бірге ке­летін ардақты аналардың, аяулы қыз-келін­шектердің мерекесіне ерекше көңіл бөлеміз. Өйткені, барлық адамзат анадан туады. Адам бойындағы жақсы қасиеттердің барлығы да ана сүтінен дариды. Тарихқа көз жү­гірт­сек, талай атқа қонған арулар, ел үшін жанын пида еткен қайсар қыз­да­рымыз көп. Олардың ерлігі бүгінгі ұрпаққа үлгі-өнеге.

Бүгінгі күні қай салада болмасын әйелдер қауымы қоғам дамуына елеулі үлес қосып келеді. Әсіресе, білім саласындағы аналар, қыз-келіншектер елдің ер­те­ңін тәрбиелеуге күш салуда. Білімді, білікті, жан-жақты тұлға қалып­тас­тыру жолында аянбай еңбек етіп ке­ле­сіздер. Сіздердің бұл еңбек­те­ріңіз ешқашан ұмытылмайды. Ұс­таз деген ұлы есімді арқалап жүр­ген әрбіріңізге құрметіміз шексіз. Бү­­гін­гі мерекелеріңіз құтты болсын, отбас­тарыңызда амандық, елімізде тыныштық болсын, – деді аудан бас­шысы.

Мұнан соң бірқатар білім сала­сы­ның қызметкерлеріне аудан әкі­мінің «Алғыс хаттары», гүл шоқ­та­ры мен сый-сияпаттары табыс етілді.

Мерекелік шарада облыс және ау­дан өнерпаздары өнер көрсетіп, ұс­таздарға көтеріңкі көңіл-күй сыйлады.