Бейбіт Қорған жетім балалардың көңілін көтерді
«Бақытты балалық шақты қорғау» науқаны аясында Алматы қаласының полиция бөлімі жетім және аз қамтылған отбасылардың балаларына қайырымдылық концерт ұйымдастырды.
Бұл туралы Алматы қалалық полиция департаментінің баспасөз қызметіне сілтеме жасап Stan.kzхабарлайды.
«Көктемнің келуімен біз балаларға мерекелік көңіл-күй сыйлауды жөн деп шештік. Балалардың көңілін шақырылған қонақтар, жетекшілер, суретшілер, сиқыршылар, сондай-ақ Бауыржан Момышұлы атындағы Алматы жасөспірімдердің республикалық мектебінің курсанттары көтерді. Олар қол күресін жүргізді. Балалар алдындағы қайырымдылық концертте әнші Бейбіт Қорған сөз сөйледі. Ол өзінің үздік әндерін орындады, балалармен бірге суретке түсті. Сонымен қатар, әнші балаларға гүл шоқтарын сыйлады. Жалпы алғанда, концерт тыңдаушыларға жақсы көңіл-күй, қуаныш пен мейірімділік сыйлады», - деді Алматы полиция басқармасы.
Қайырымдылық концерттің қорытындысы кезінде полиция қызметкерлері балаларға зор денсаулық, оқудағы сәттілік тіледі және болашақта ішкі істер органдарында қызметке кіруге шақырды.
Stan.kz
