ЖЕР-АНАҒА ЖАН БІТІРГЕН КҮН
Наурыз мейрамы – көктем мен жаңаруды айшықтайтын мерейі тасыған ұлы мереке. Бұл күні Жер-Анаға жан бітіп, тіршілік жаңарып, жасанып, салт-дәстүрлер жаңғырады. Ұлттық құндылықтар мен ерекшеліктер салтанат құрып, жұртшылық бір-бірімен көрісіп, ақ дастарқан басына жиналады. Бұл күні әр шаңырақта қазан оттан түспей, ұлттық тағамдар әзірленіп, бауырсақ пісіріліп, дастарқан аққа толып, наурыз көже дайындалады.
Мереке қарсаңында аудан әкімінің аппараты, «Нұр Отан» партиясы аудандық филиалы және аудандық мәслихат аппаратының ұйымдастыруымен аудан тұрғындарына ұлық мейрамның басты дәмі – наурыз көже тартылды.
«Нұр Отан» партиясы аудандық филиалы ғимаратының алдына кең дастарқан жайылды. Көріскен жандар бір-біріне ақжарма тілегін арнап, төс қағыстырды. Жиылған жұрт тіршіліктің жанданып, күннің жылығанына, аққа аузы тиіп, аман-есен жыл басына жеткеніне қуанып, ұйымдастырушыларға ризашылықтарын білдірді.
Ұлттық асымыздан дәм тартқан жасы үлкен ата-әжелеріміз, аға-апаларымыз елдің амандығын тілеп, жастарға бата-тілектерін жаудырды. Сонымен қатар, ерлер мен әйелдер арасында қолшоқпар ойындары, гір тасын көтеру секілді спорттық сайыс ұйымдастырылып, алғашқы үштікке ілінгендерге сыйлық табысталды.
Мереке қарсаңында аудан әкімінің аппараты, «Нұр Отан» партиясы аудандық филиалы және аудандық мәслихат аппаратының ұйымдастыруымен аудан тұрғындарына ұлық мейрамның басты дәмі – наурыз көже тартылды.
Ұлттық асымыздан дәм тартқан жасы үлкен ата-әжелеріміз, аға-апаларымыз елдің амандығын тілеп, жастарға бата-тілектерін жаудырды. Сонымен қатар, ерлер мен әйелдер арасында қолшоқпар ойындары, гір тасын көтеру секілді спорттық сайыс ұйымдастырылып, алғашқы үштікке ілінгендерге сыйлық табысталды.
Нұр НАУАН,
М.АХМЕТОВ (сурет).