ЖОЛДАУ ЖАСТАРҒА СЕРПІН БЕРЕДІ

Бүгін тарихи маңызы бар жолдаудың маңыздылығын барша қазақ елі сезінгені анық, көгілдір экран артында көріп отырған халық үшін үлкен жобалармен маңызды мәселелер шешімін тапқаны жақсы жаңалық болғаны анық. Әрбiр отбасының тұрғын үйді сатып алу мүмкiндiгiн жақсарту мақсатында Мемлекет басшысының 2018 жылғы 5 наурыздағы "Президенттің бес әлеуметтік бастамасы" атты Қазақстан халқына үндеуінде Ұлттық Банкке "7-20-25" деген жаңа ипотекалық бағдарлама әзiрлеуге тапсырма берілді, оның негiзгi шарттары кредит бойынша сыйақы мөлшерлемесі жылына 7 %-дан аспайды, бастапқы жарна 20 %-дан аспайды, кредит мерзiмi 25 жылға дейiн болады деп айтқан болатын, бүгін осы бағдарламаның орындалу барысын және қанша өтінім түскені туралы да ақпаратты сұрап, қандай көмек керек екені де сұралды. Мына еліміздің жастары үшін қуанарлық жағдай ол Елбасының келер 2019 жылды «Жастар жылы деп жариялауды ұсынамын» дегені. Біз, жастар, Елбасының сенім артып келер жылды «Жастар жылы» деп жариялап жатқанына қуаныштымыз. Елбасының сенімін ақтап, еліміздің өркендеп өсуіне сүбелі үлес қосамыз деп барша аудан жастарының атынан сенім білдіргім келеді.

Нұржан Амандық, 
Жалағаш ауданы жастарының
«Темірқазық» қоғамдық бірлестігінің
төрағасы.