Әйгілі Роналду “Реалдан” кетпекші
Мадридтік «Реалдың» шабуылшысы Криштиану Роналду жазда командадан кетпек. Бұл туралы футболшының өзі әріптестеріне айтқан.
AS агенттігінің хабарлауынша, португал футболшысы клубтың басшылығына риза емес. «Реалдың» президенті Флорентино Перес көктемде келісімшартының қаржылық жағдайын жақсартатынына уәде берген. Алайда ол сөзінде тұрмаған көрінеді. Өзінің алданып қалғанын түсінген Роналду жаңа команда іздестірмек. Бірінші кезекте англиялық «Манчестер Юнайтед» тұр.
