Синоптиктер 25-27 шілде аралығына арналған ауа райы болжамын жария етті, - деп хабарлайды ҚазАқпарат Қазгидрометке сілтеме жасап. Жақын күндері атмосфералық фронталды бөліктердің өтуіне байланысты Қазақстанның басым бөлігінде жаңбыр жауып, батыста, солтүстікте және шығыста кей жерлерде нөсер жаңбыр жауады. Кей жерлерде күн күркіреп, жел соғады. Бұршақ жаууы мүмкін.   
Тек республиканың оңтүстік облыстарында ғана жауын-шашынсыз ауа райы сақталады. Бірақ біртіндеп аптап ыстықтың беті қайтады. Ауаның ең жоғары температурасы плюс 33...40°С шамасында болады.