Тәуелсіздік мерекесі қарсаңында аудандық емханада "Тәуелсіздік – тұғырым" атты мерекелік кеш өтті. Салтанатты шараны ашқан аудандық емхананың бас дәрігері Әсия Бекбергенова ақ халатты абзал жандарды атаулы күнмен құттықтап, бірқатар сала қызметкерін марапаттады. Олардың ішінде аудандық аурухананың акушер гинекологы Р.Аманжолова ҚР Денсаулық сақтау министрі Е.Біртановтың алғыс хатына ие болса, аудандық емхананың шаруашылық аяжаны О.Әуесбаева, туберкулезге қарсы күрес кабинетінің медбикесі З.Шарипова, аудандық аурухананың кадр маманы Н.Қоңырбаева, аудандық емхананың жалпы тәжірибелік дәрігері Г.Бүркітбай және жан сақтау бөлімінің анестизист мед ағасы Н.Алмағанбетов облыстық денсаулық сақтау басқармасының "Құрмет Грамотасымен" және алғыс хатымен марапатталды. Ал аудандық аурухананың экономист есепшісі Е.Талғатұлы, аудандық аурухана мейіргерлік күтім бөлімінің медбикесі Н.Әбілханова, аудандық емхананың дәрігерге дейін бөлме медбикесі М.Қанзадаева, №202 мектептің медбикесі Д.Алипбаева, аудандық аурухананың фармацевт маманы Б.Тампиева, аудандық аурухана аспазы С.Шілдебаева, Бұқарбай батыр ауылдық дәрігерлік емханасының қызметкері Р.Қошқаров, "Жедел жәрдем" жүргізушісі Е.Үйсінбаев, аудандық аурухананың технолог маманы Н.Аяпов және М.Шәменов ауылдық дәрігерлік емханасының кіші аяжаны Ғ.Нұрбалаева сала басшысының алғыс хатымен марапатталды.

Мұнан бөлек бірқатар медицина сала­сының майталманы “Nur Оtan” партиясы облыстық филиалы төрағасының бірінші орын­басары А.Әлназарованың алғыс хаты­мен марапатталды. Олардың қатарында туберкулезге қарсы күрес кабинетінің медбикесі Ғ.Нұрғалиева, Ақарық ауылдық дәрігерлік емханасының аға мейіргері К.Мерекенқызы, Таң ауылдық дәрігерлік емханасының жалпы тәжірбиелік мейірбикесі С.Оспанқызы, ау­дандық аурухананың тех­ни­калық базасына жауапты маманы С.Әліпбаев, аудандық ем­хананың кіші аяжа­ны С.Жанділдақызы, ау­дан­дық аурухана қызметкері А.Сағын­дықұлы, аудандық ауру­хана операторы Р.Дауыл­­бай­қызы, аудан­дық емхананың жалпы тәжі­ри­белік дәрігері А.Нұрханқызы, тубер­кулезге қар­сы күрес бөлімінің мейіргері С.Сейт­жа­но­ва, аудандық емхананың окулист дәрігері С.Тас­қараева, аудандық ауруха­наның хирург дәрігері Д.Сүйіндіков, аудандық аурухананың зертханашы дәрігері Г.Мұстафаева, аудандық емхананың жалпы тәжірибелік дәрігері, елді мекендер бойынша бөлім меңгерушісі Г.Аман­баева, аудандық емхананың физиотерапия бөлімінің меңгерушісі Р.Мұстақұлова және физиотерпаия бөлімінің кіші­ аяжаны Л.Қиымова бар.

Шара барысында Чернобыль апатының зардабын жоюға қатысқан ардагер, облыстық Чернобыль ардагерлер кеңесінің Жалағаш ауданындағы өкілі, "Қызыл жұлдыз" орденінің иегері С.Ибраев адам өмірін ажалдан арашалау жолында тынымсыз еңбек етіп жүрген С.Тасқараева, Г.Мұстафаева, Д.Сүйіндіков секілді дәрігерлерге республикалық Черно­быль ардагерлер одағының арнайы медалін тақса, Г.Аманбаева, Р.Мұстақұлова, Л.Қиымова және Г.Ертуғанова секілді медицина сала­сының қызметкерлеріне аталған одақтың "Құрмет Грамотасын" тапсырды. Шараға шақы­рылған басқа да құрметті қонақтар сөз алып, дәрігерлерді тәуелсіздік мерекесімен құттықтады.

Мерекелік шараның соңы аудандық мәде­ниет және өнерді дамыту орталығы өнер­паздарының концертіне ұласты.