Жалағаш жаршысы Жалағаш аудандық қоғамдық-саяси газет
» » ОЛАР ҰМЫТЫЛМАЙДЫ

ОЛАР ҰМЫТЫЛМАЙДЫ


Табиғаттың тосын апатының алдында біз қашанда қауқарсызбыз. Бірақ, табиғи өзгерістерден туындайтын оқыс оқиғалардың алдын алу үшін қам-қарекет керек. Жер-Анамыздың тамыр соғысын бақылап, қоршаған ортаны аялап, оған қамқорлық жасағанда ғана адамзат апаттан аман болады. Табиғат адамзаттың өзіне жасаған қиянаты мен қамсыздығын кешірмейді. Міне, осы бағытта ауданда аудан әкімінің төрағалығымен арнайы штаб құрамы бекітілген. Аталған құрам жыл сайын қыс мезгілінде аудан аумағындағы Сырдария өзенінің деңгейін бақылап, су тасқынынан сақтану шараларын жүзеге асырады. Халықты қауіп-қатерден қорғап, төтенше жағдай орын алмас үшін арнайы оқу-жаттығулар өткізіліп тұрады. Төтенше жағдайлар саласының мамандары және жоғарыда аталған штаб құрамы қашан қауіп сейілгенше, халықтың тыныштығын қадағалайды. Айта кетуіміз керек, бұл жұмыстар жедел шешім қабылдаумен бірге жоғары жауапкершілікті талап етеді. Ал, табиғаттың тосын апаттары мен төтенше жағдайлардың алдын алуда күні-түні ат үстінен түспейтін азаматтардың еңбегі қашанда ескерілуі тиіс. Тіпті үлкен құрметке де лайық. Ал, осы жолда жандарын құрбан еткен арыстарымыздың есімі мәңгілік ел жадында сақталып, ұрпаққа үлгі болуы тиіс.
Осыдан 10 жыл бұрын аудан аумағында орын алған қайғылы оқиға Сыр жұртшылығының қабырғасын қайыстырды. Қаһарлы қыстың аязында, қалың мұз құрсауында қалып, айналасына үрей тудырған Сырдария өзенін бақылау үшін облыстық Төтенше жағдайлар департаментінен арнайы жіберілген экипаж құрамында болған еліміздің Төтенше жағдайлар министрлігінің аға офицері Нұрлан Құмаров, облыс әкімінің баспасөз хатшысы Сағитжан Бермағанбетов, облыстық төтенше жағдайлар департаменті басшысының орынбасары Қазбек Төреманов, экипаж командирі Фахредин Оңғарбаев, экипаж мүшесі Ғалым Нұрмағанбетов және ұшқыш Виталий Глазунов секілді арыстай алты азаматымыз әуе көлігінің апатынан қазаға ұшырады.
Бүгін сол арыстарын жұртшылық есіне алды. Апат орын алған жерге қойылған «Ұрпаққа үлгі есімдер» ескерткіш-монументінің алдына жиылған қарақұрым халықта сан жоқ. Барлығы да апаттан ажал құшқан арыс азаматтарын есіне түсіріп, олардың тірлігінде ел үшін жасаған жарқын істерін жаңғыртты. Тағылымды шара ел қауіпсіздігі жолында құрбан болған боздақтарын бір минут үнсіздікпен еске алудан басталды. Одан соң марқұмдардың рухына құран бағышталып, ескерткіш-монуметтің алдына гүл шоғын қойды. Шарада сөз алған аудан әкімінің орынбасары Ж.Тажмаханов ел үшін еткен еңбек, төгілген тердің өтеуі – абырой екенін және ел үшін опат ерлердің есімдері мәңгілік елдің есінде қалатынын жеткізді.
«...Олардың әрбірі бір-бір отбасының ардақтысы, қамқоршысы еді. Олардың әрбірі елдің амандығы мен тыныштығы жолында үлкен жауапкершілік жүгін арқалап жүрген отаншыл, атпал азаматтар болатын. Әсіресе, өзінің қысқа ғұмырында аймағымыздағы көптеген қордаланған мәселелерді көтерген және оның оң шешілуіне ықпал етіп, журналистика саласында жарқын ізін қалдырған Сағитжан Бермағанбетовтың орны ерекше болатын. Әрине, қайғылы оқиға барысында опат болған басқа да экипаж мүшелері ақырғы деміне дейін абыройлы қызмет етті және қызметтерін адал атқарып, халықты апаттан құтқару жолында жандарын құрбан етті. Ел тыныштығын ойлап, төтенше жағдайдың алдын алу мақсатында қаза болған қадірлі азаматтардың ерен еңбектері елінің есінен кетпейді. Олардың өнегелі өмірін ұрпаққа үлгі ету мақсатында жыл сайын осынау ескерткіш тақта алдында еске алу шаралары өткізіліп тұрады және азаматтарымыздың жарқын бейнелері жадымызда сақталып, жас ұрпақ әрдайым құрметпен тағзым ететін болады, - деді Жағыпар Айтбайұлы. Сондай-ақ облыстық төтенше жағдайлар департаментінің бастығы, азаматтық қорғау полковнигі О.Бекжанов және осы аталған саланың ардагерлер кеңесінің төрағасы Т.Ботабаевтар төтенше жағдайлардың алдын алу кезінде оқыс оқиғадан көз жұмған әріптестерін тебіреніп еске алып, олардың бойындағы отаншыл мінездері мен адами қасиеттерін және өмірлерінің ақырына дейін қызметтеріне адал, жауапкершілік жүгін қайыспай көтере білген биік болмыстарын кейінгі ұрпаққа үлгі етті. Ал, еске алу шарасына арнайы келген марқұмдардың туған-туыстары тағылымды шараны ұйымдастырушыларға алғыстарын жеткізді.

Қуат АДИС.
Жаңалықтар
28 ақпан 2018 ж. 1 020 0

Ұқсас жаңалықтар:

title
СУ ДЕҢГЕЙІ ТӨТЕНШІЛІКТЕРДІҢ БАҚЫЛАУЫНДА
 Қоғам
title
Сырдария өзені деңгейінен көтерілді (видео)
 Қоғам
title
Автокөлік иелерінің есіне!
 Қоғам
title
Қыс мезгілінде қауіпсіздікті сақтау ережесі
 Жаңалықтар
title
Сырдария өзенінен мол судың өтуіне байланысты мониторинг жүргізілуде
 Қоғам
Пікір қалдыру

PDF нұсқалар мұрағаты

№42 (9825)

28 мамыр 2022 ж.

№41 (9824)

24 мамыр 2022 ж.

№40 (9821)

21 мамыр 2022 ж.

Хабарландыру

Қызылорда облыстық жұмыспен қамтуды үйлестіру және әлеуметтік бағдарламалар басқармасын Ғабит Жаңабаев басқарады

27 сәуір 2022 ж. 557

Қызылорда облысы әкімі аппаратының басшысы тағайындалды

27 сәуір 2022 ж. 858

Хабарландыру

31 қаңтар 2022 ж. 1 095

Қазақстан Республикасы Тәуелсіздігінің 30 жылдығына арналған жас жазушылар мен ақындар арасында өтетін «Ұлы дала» республикалық шығармашылық байқауы туралы

12 қазан 2021 ж. 5 028

Әлем

Тоқаев қайта сайланған Франция президенті Макронды құттықтады

Тоқаев қайта сайланған Франция президенті

25 сәуір 2022 ж.
«Сабасына түсер»: Медведев НАТО-ға қосылмақ болған тағы 2 елге сес көрсетті

«Сабасына түсер»: Медведев НАТО-ға қосылмақ

15 сәуір 2022 ж.
Қазақстандықтар бүгіннен бастап Кореяға визасыз бара алады

Қазақстандықтар бүгіннен бастап Кореяға визасыз

01 сәуір 2022 ж.

Сұхбат

Өнер ордасының бәсі биік
24 тамыз 2021 ж. 2 243

Өнер ордасының бәсі биік

Жаңалықтар мұрағаты

«    Мамыр 2024    »
ДсСсСрБсЖмСбЖс
 12345
6789101112
13141516171819
20212223242526
2728293031 

Copyright © 2022. «Жалағаш жаршысы» газеті сайтында жарияланған барлық мақалалар мен фотосуреттердің авторлық құқықтары қорғалған. Басылым бетіндегі материалдарды пайдаланған жағдайда сілтеме жасалуы міндетті.

Меншік иесі: «Сыр медиа» ЖШС.

Яндекс.Метрика