Латын әліпбиі – әлемдегі жетекші, әрі әмбебап әліпби. Қазақ алфавитін латын әліпбиіне көшіру жөнінде бастама көтерілгелі көптеген ой-пікірлер, сан алуан ұсыныстар да айтылды. Әліпбидің де бірнеше нұсқасы ұсынылды. Ең бастысы, қоғамның басым бөлігі жаңа әліпбиге көшуді қолдады.

Қызылорда облыстық ішкі саясат басқармасы Қызылорда облыстық тіл­дерді оқыту орталығының ұйымдастыруымен ауданымызда үш жылдан бері үштілдік оқыту курстары жүргізіліп келеді. Осы латын әліпбиіне көшу жұмыстарына байланысты орталық тарапынан жоспарлы, мақсатты түрде түсіндірме жұмыстары жүргізілуде. Мәселен, оқыту курстары, семинарлар, дөңгелек үстелдер мен пікірталастар жиі ұйымдастырылады. Бұл жұмыстардың максаты аудан тұрғындарын латын әліпбиінде сауатты жазуға және еркін оқуға машықтандыру болып табылады.

Жұмыс барысында мемлекеттік кызметкерлерден, бюджеттік сала қыз­мет­­керлерінен және жұмыссыз азаматтардан ұсыныстар толастар емес. Сон­дыктан тәуекелге бел байлап, тарихи сәтті пайдаланып, өзіміздің тілдік заңдылығымызды ұстана отырып, жаңа әліпбиге көшкеніміз жөн деп білемін.