Жергілікті әкімдіктің жаңа ғимараты келер айда пайдалануға беріледі

Облыс әкімі Жалағашқа сапарында түстен кейін аудан әкімдігінің жаңа ғимаратында жүріп жатқан құрылыс жұмыстарымен танысты. Өткен жылы іргетасы қаланған нысанның қазіргі таңда сыртқы жұмыстары бітуге таяп қалды. Мердігер мекеме бұйыртса, келер айдың ішінде жаңа нысанның құрылысын аяқтамақ.

Мұнан кейін Гүлшара Наушақызы орталық алаңға барып, жөндеу жұмыстарына қанықты. Қазіргі таңда мұнда мемлекеттік рәміздер орналасқан аймақ толық жөндеуден өтуде. Аймақ басшысы қандай шаралар қолға алынса да сапаға аса мән беру маңызды екенін жеткізіп, құрылысшылардың жұмысына сәттілік тіледі.