Аймақ басшысы аудандық аурухана құрылысының басына барды

Облыс әкімі Жалағаштағы аудандық аурухананың құрылысымен танысты. 100 орындық жаңа нысан бұйыртса халықтың игілігіне жұмыс жасайды. Қазіргі таңда аурухана құрылысына бөлінген қаржы игерілген. Қосымша қаржы қаралса, биыл пайдалануға берілмек.

Айта кетейік, осыған дейін жұмыс жасап тұрғнан аурухананың бұрынғы нысаны апатты жағдайда деп танылған болатын. Ертеректе асармен салынған көне ғимараттың расында тозығы жеткен. Сол уақыттан бері жаңа аурухана құрылысы салынатын болып ел қазынасынан 4 млрд теңгеден астам қаржы қаралды. Үш қабатты аурхананың құрылысы бас мердігер «Абу-Сер» ЖШС жүргізуде.