Таң елді мекеніндегі аймақ басшысының жұмыс сапары ауылдағы 90 орындық балабақшада жалғасын тапты. «Таң ЛТД» ЖШС-ның демеушілігімен халық игілігіне жараған нысанда бүгінде тәрбиешілер 90 балаға 5 топ бойынша тәлім беруде. Оннан астам адымды жұмыспен қамтып отырған «Таң Бөбегі» балабақшасы Осыдан 3 жыл бұрын пайдалануға берілген болатын. Жекешелік әріптестік аясында салынған нысан 56 млн теңгеге бой көтерген. Жаңа ғимараттың қазіргі жұмысы жайында аймақ басшысына балабақша меңгерушісі Жәмила Сәдуова баяндадыАйта кетейік, аталған серіктестік төрағасы ауылды абаттандыруға соңғы жылдары қыруар қаржы жұмсады. Имамзада Шағыртаев Таңда қолға алынған әрбір жобаның елді мекен әлеуетін арттыруға үлкен көмек болғанын айтады. Бүгінгі облыс әкімімен кездесуде әлі де Таң ауылын абаттандыруда жарқын жобаларды жүзеге асыруға ниетті екенін жеткізді.