Үкіметтің отырысында денсаулық сақтау министрінің міндетін атқарушы Лязат Ақтаева қазіргі жағдай туралы айтып берді, деп хабарлайды Stan.kz ақпарат агенттігі. 

Лязат Ақтаева демалыс күндерден бөлек коронавирус жағдайына байланысты карантин шаралары күшейтіліп, шектеулер енгізілетінін айтты.  
"Қосымша қатаңдату шаралары 16 өңірде енгізілді. Вирустың өршуін ескере отырып  Нұр-Сұлтан, Алматы, Қарағанды, Шымкент, Павлодар және Екібастұз қалаларында демалыс күндері карантин шараларын қатаңдататын болдық. Көптеген шектеу шаралары енгізіліп, бірқатар мекемелер 20-21 маусым жабық болады", - дейді Ақтаева. 
Сонымен қатар министр вирус жұқтырған науқастардың жағдайы туралы айтып берді. Бүгінде елімізде COVID-19 инфекциясын жұқтырған адамдардың саны 24 мыңға жеткен
"Қазақстанда коронавируспен ауыратын 23 960 пациент тіркелді, олардың 16 351-симптоматикалық және 7 609-ы асимптоматикалық. 13 716 пациент емдеуді жалғастыруда. 10 139 науқас қалпына келтірілді, 105 науқас қайтыс болды", - деді Ақтаева.