» » БІТІРУШІ ТҮЛЕКТЕРГЕ АТТЕСТАТ ТАПСЫРЫЛДЫ

БІТІРУШІ ТҮЛЕКТЕРГЕ АТТЕСТАТ ТАПСЫРЫЛДЫ


Күні кеше ғана Жалағаш ауданындағы барлық мектептерде салтанатты түрде мектеп бітіруші түлектерге аттестат тапсыру рәсімі өтті.

Ш.Ермағанбетова атындағы №246 орта мектепте мектеп түлектеріне арналған салтанатты шарада аудан әкімінің орынбасары Жасұлан Еспенбет сөз сөйлеп, бітіруші түлектерге «Ақ жол» тіледі.

Салтанатты шара барысында мектеп мұғалімдері, ардагер ұстаздар, ата-аналар да жылы лебіздерін білдіріп, бітіруші түлектерге ақ баталарын арнады.

Аталмыш мектепте, биылғы жылы 23 түлекке жалпы орта мектепті бітіру аттестаты тапсырылса, 2 оқушы «Алтын белгі»иегері атанды.

Ағымдағы жылы Жалағаш ауданы бойынша 321 бітіруші түлек болса, оның 295-і ұлттық бірыңғай тестілеуге қатысуға өтініш білдірген.



14 маусым 2021 ж. 925 0