Осыдан бірнеше жыл бұрын Жалағаш ауданында көбіне жол сапасына қатысты жолаушылар мен тұрғындар тарапынан сын айтылатын. Кент пен облыс орталығын жалғап жатқан үлкен жолды айтпағанда ішкі көшелердің де сапасы сын көтермейтіні рас та еді. Ал қазір ше, ауданда соңғы жылдары бұл мәселені шешуге ел ағалары тарапынан көптеп көңіл бөлініп, тіпті бұрын асфальт көрмеген жолдар да күрделі жөндеуден өтті. Нәтижесін бүгінде халық көріп отыр. Ішкі көшелердің көбісі жөндеуден өтіп, өңірде жол құрылысының қарқын алғаны қуантарлық жағдай, әрине.Қазіргі таңда аудан көлемінде республикалық маңызы бар 50 ша­­қырым, облыстық маңызы бар 61 ша­қырым автомобиль жолдары қа­на­ғаттанарлық жағдайда екен.Ал аудандық маңыздағы 120,7 шақы­рым автомобиль жолының бүгінде 21,4 ша­қырымы жөндеуді қажет ете­ді. Бұл жолдардың да сапасын жақ­сар­туды ел ағалары назардан тыс қалдырмайды.Бұрын ауылдық елді мекендерді айтпағанда кент орталығында бір­қа­тар ішкі көшелердің сапасына қа­тыс­ты мәселе де жетіп артылатын. Мәселен, орталықтағы Абай көше­сін ала­йық. Дәл осы орталық кө­ше­нің базар маңы жауын жауса көл­шікке айна­латыны әлі күнге дейін халықтың есінде. Ал қазір ше, Ұлы ақын атын­дағы бұл көше толық жөн­деуден өтіп, бүгінде оның тек жо­­лаушылар ғана емес, қалың жұрт игі­лігін көріп отыр.Еңбек Ері Алдаберген Бисенов атындағы көшенің тұрғындары да жол сапасының сын көтермейтінін жиі ай­татын. Қазіргі таңда мем­ле­кет­тік бағ­дарламамен кент ішіндегі бұл көше де толық жөндеуден өтті. Барлық кө­шенің құрылысының са­­пасы тіке­лей аудан әкімі А.Ша­ме­нов­тың ба­қы­­лауында болды. Тіпті өзі де ба­­рып, ондағы мердігер мекеме қыз­меткерлерінің ертең мұның ха­лық зардабын емес, игі­лігін көруі қа­жет­тігін ұдайы на­за­рына салып отырды. Ал нәти­жесін бүгінде көріп отырмыз.Кент орталығындағы Б.Соп­бе­­­ков атындағы көшемен жауын күні былай тұрсын, құрғақ күнде көлікпен жүру жолаушылар үшін мұң еді. Бұл кө­ше­ де бүгінде то­лық жөндеуден өтіп, ас­фалт­­талды. Әсіресе дәл осы ішкі көшенің құрылысына қа­тысты ха­лық жиі оң пікір айтып жат­қа­нын біз де байқаймыз.Кент орталығынан бөлек бүгінгі таңда ауылдық елді мекендерге кі­ре­беріс жолдардың құрылысы да Жалағашта қарқын алды. Жа­қында ғана жөндеуден өткен Есет батыр ауылы мен Еңбек ауыл­дық округін жалғайтын жол­дың сапасын айтар болсақ, бұл жолдың қазіргі жағдайы мен бұ­рын­ғы ахуалының арасы жер мен көктей. Ой-шұқыры көп ауылға алып баратын жолдың мәселесі жо­лау­шы­ларға айтарлықтай қиындық ту­­дырғаны рас. Бірақ нәтижелі ең­­­бек­тің арқасында бұл мәселе де тү­­­бегейлі шешімін тапты. Енді осы жолдың бойында орналасқан кө­пірдің са­пасына да жергілікті биліктің көңіл бөлуі халықтың қуа­ны­шын еселеді. Дәл осындай жа­ғымды жаңалық Мә­де­ниет ауы­лын­да да бар. Ауылға кіре­беріс жолдың жөндеуден өтуі жер­гілікті халықтың қуанышына ай­нал­ды. Айта кетейік, мұнан бөлек «Ауыл – ел бесігі» мемлекеттік бағ­­­дарламасы ая­сында ел қазы­на­сынан қаралған 471 млн теңгеге Таң ауылының 14 кө­­­ше­сіне ор­та­ша жөндеу жұмыс­та­­ры жүр­гі­зілуде. Сонымен қа­тар Мә­де­ниет ауылындағы 1 кө­­­­­­шені ор­та­ша жөн­деуге облыс тай­қа­­­­за­ны­нан 38 млн теңге қаржы қара­лып отыр. Жаңа жоғарыда атап өткен ау­дан­дық маңызы бар Мәдениет ел­ді ме­кені бағытындағы автомобиль жо­­лының 0-9,4 шақырым аралығын ор­таша жөндеуге және Еңбек-Есет ба­тыр аралығындағы 12,3 шақырым автомобиль жолын орташа жөндеу жұ­мыстарына 614 млн теңге қа­рал­ды.Соңғы жылдары аудандық маңы­зы бар автомобиль жолдарына жос­парлы жөндеу жұмыстары жүр­гізіліп жатқанын халық та көріп отыр. Қа­зіргі таңда жалпы құны 1,9 млрд тең­гені құрайтын Бұқарбай батыр және Ақсу ауылдарының кіреберіс жол­да­ры мен Жаңадария және Аққыр ба­ғы­тындағы автомобиль жол­­да­рын жөн­деу үшін 4 жобаның сме­та­лық құ­жаттары қар­жы­лан­ды­­руға ұсы­ныл­­ған. Сондай-ақ кент және ауылдық ел­ді ме­кендердің ішкі кө­ше­лерін жөн­­деуге 1,8 млрд теңгеге жо­ба-сме­­талық құжаттары әзірленіп, ал­да­ғы уақытта бұл жұмыстар жүзеге асы­ры­лады деп күтілуде.Жол сапасын жақсарту мақ­са­тын­­­да атқарылған шаруа аз емес. Бі­рақ бұл ауданда осымен жол мә­­се­­лесі түбегейлі шешімін тапты де­­генді де білдірмейді. Басқа да жөн­­деуді қажет ететін ішкі көшелер мен жолдардың мәселесі де ел аға­ла­рының назарында. Бастысы нәти­же­лі еңбектің халық игілігін көріп отыр­ға­ны қуантады.