Егу науқанын жүргізу үшін 2,5 млн доза вакцина сатып алынды. Бұл туралы Денсаулық сақтау бірінші вице-министрі Марат Шоранов мәлімдеді.

Мемлекеттік бюджет қаражаты есебінен медицина қызметкерлері, медициналық ұйымдарда диспансерлік есепте тұрған балалар, жетім балалар мен ата-анасының қамқорлығынсыз қалған балаларға арналған білім беру ұйымдарының, сәбилер үйлерінің балалары вакцина алады. Бұдан басқа, вакцинация жұмыс берушілердің қаражаты және халықтың жеке қаражаты есебінен жүргізілетін болады.