Тұрғындардың мәселесі тыңдалды
«Nur Otan» партиясының маңызды жұмысының бірі қоғамдық қабылдау.Қоғамдық қабылдау бөлмесі жұртшылықпен арадағы үздіксіз байланысты қамтамасыз ететін бірден-бір көпір болып табылады.
«Nur Otan» партиясы Жалағаш аудандық филиалының Қоғамдық қабылдау бөлмесінде тұрғындардың жеке мәселесін тыңдау бойынша қабылдаулар өтіп тұрады. Осы орайда, бекітілген кестеге сәйкес аудандық партия филиалының төрағасы, аудан әкімі Шаменов Асылбек Өмірбекұлы қабылдау өткізді.
Қабылдауға келген тұрғындар әлеуметтік қамту, кәсіпкерлік, электр жарығы, жұмыссыздық мәселелерін көтерді.
Асылбек Өмірбекұлы тұрғындардың өтінішін шешу мақсатында тиісті мекеме басшыларына тапсырмалар беріп, мәселе өз бақылауында болатынын жеткізді. Заң аясында кеңесті қажет ететін тұрғындарға тиісті құқықтық кеңестер беріліп, түсіндірме жұмыстары жүргізілді.
