18 СӘУІР—ХАЛЫҚАРАЛЫҚ ЕСКЕРТКІШТЕР МЕН ТАРИХИ ОРЫНДАР КҮНІ
Халықаралық ескерткіштер мен тарихи орындар күні 1984 жылдан бастап жыл сайын 18 сәуір күні атап өтіледі. Мерекені 1983 жылы ЮНЕСКО жанындағы Ескерткіштер мен көрнекті орындарды қорғау мәселелері жөніндегі Халықаралық кеңес Ассамблеясы белгілеген. Мерекенің басты мақсаты – тарихи ескерткіштерді сақтау және мәдени мұраны қорғау мәселелеріне қоғамның назарын аудару.Тәуелсіздік жылдарынан бастап қоғам мен мемлекеттің тарихи-мәдени мұраға деген көзқарасы өзгеріп, еліміздің өз заңнамасы қалыптасты.
Осы орайда, бүгін Жалағаш аудандық мәслихаттағы «AMANAT» партиясы депутаттық фракциясының жетекшісі Қаншагүл Мұстафаева, аудандық мәслихаттағы «AMANAT» партиясы депутаттық фракциясының мүшелері Жанболат Тәттібаев, Қайрат Досымов, «AMANAT» партиясы атынан сайланған Жалағаш аудандық мәслихат хатшысы Құрманбаева Гүлзат және «Мәдени мұра» БПҰ төрағасы Дүйсенбиева Бибіәсия тарихи орындарға барып қайтты. Түмен әулие кесенесі, Көктонды асар қалашығы, Беркімбай кәлпе, Мәмбет әулие ұстаханасына барды.
