«Ырыс қайда барасың? Ынтымаққа барамын!»

Қазақтың байтақ даласы бүгінде 130-дан артық ұлт өкілдеріне ортақ отан болып тұр. Сол себепті де 1 мамыр – халқымыздың бірлігі күні болып есептеледі. Әрі бұл күн, Қазақстан халқы үшін ең ірі мерекелердің бірі. Еліміздің барлық өңірлерінде дерлік 1 мамыр тойланады. Осы орайда, «AMANAT» партиясы Жалағаш аудандық филиалының «Қазақстан 2030» бастауыш партия ұйымында «Ырыс қайда барасың?

Ынтымаққа барамын!» атты 1 мамыр – Қазақстан халқының бірлігі күні мерекесіне орай кездесу өткізілді. Мақсаты, ел ішіндегі түрлі ұлт пен дін өкілдерінің бір-біріне деген сый-құрметін арттырып, татулықты, бірлікті, ортақ құндылықтарды насихаттау. Кездесуде «Қазақстан 2030» бастауыш партия ұйымының төрағасы Жақанова Ботагөз ашып, іс-шараның мақсат- мазмұны мен маңыздылығына тоқталып, жүргізіп отырды.

Келелі кездесуде «AMANAT» партиясы атынан сайланған Жалағаш аудандық мәслихат хатшысы Гүлзат Құрманбаева ерекше мерекемен аудан орталығында тұратын өзге ұлт өкілдерін құттықтады.

«Бірлік болмай тірлік болмас». Рас! Берекені көздеген ел мерекелі тірлік жасаудан жалықпаған. «Береке бастауы бірлік, ел іші тату тірлік» қағидасын ұстанған ел үшін бұл мейрамның орны ерек – деді Гүлзат Құрманбаева.