БҰҚАРБАЙ БАТЫР АУЫЛЫНЫҢ ӘКІМІ ЕСЕП БЕРДІ

Бұқарбай батыр ауылдық округінің әкімі С.Байділдаев 2017 жылы атқарған жұмыстары туралы есеп берді.

Елді мекенде орналасқан 480 орындық мектеп ғимараты 1977 жылы пайдалануға берілген. Қазіргі таңда 342 оқушы білім алуда. 2016- 2017 оқу жылдарында 123 оқушы мектепшілік, 23 оқушы аудандық, 2 оқушы облыстық олимпиададан жүлделі орындарға ие болған. ҰБТ-ға 17 оқушы қатысып, 11 оқушы грант иегері атанды. Көрсеткіш сапасы 79,5 пайызды құрады.
Елді мекенде орналасқан 140 орындық№13 “Балдырған” бөбекжайы 1975 жылы пайдалануға берілген. №13 “Балдырған” бөбекжайында 6 топ жұмыс жасап 90 бала тәрбиеленуде. Балабақшада 16 тәрбиеші еңбек етеді, балалардың тамақтануына 2 млн теңге қаржы қаралып, “Шұғыла” ЖК-мен келісім-шарт жасасқан.