ДЕПУТАТТАР БАЛАЛАРДЫ ҚУАНТТЫ

Сейсенбіде «Нұр Отан» партиясы аудандық филиалында "Бақытты отбасы – бақытты балалық шақ" партиялық жоба аясында «Мектепке жол» акциясы өтті.
Онда жергілікті депутаттар өздерінің сайлау округтеріндегі аз қамтылған отбасы балаларына базарлық жасады. Шараны ашқан партия филиалы төрағасының бірінші орынбасары Қаншагүл Мұстафаева шараның маңыздылығына тоқталып, акцияның өтуіне атсалысқан аудандық мәслихатындағы «Нұр Отан» партиясы фракциясы мүшелеріне алғыс білдірді.

Айта кетейік, шара барысында аудандық мәслихат депуттары 22 оқушыға оқуға қажетті құралдарды, мектепке киетін киімдерді үлестіріп берді. Акция соңында ата-аналар жомарт жандарға алғыстарын жеткізді.
Н.АЛПЫСБАЙҰЛЫ.