АРДАГЕРДІ АРДАҚТАҒАНДАРҒА АЛҒЫС

Жуырда «Нұр Отан» партиясы аудандық филиалы төрағасының бірінші орынбасары Қаншагүл Шоңмұрынқызы осындай қайырымдылық шараларының басы-қасында жүрген бірқатар партия белсенділерін қабылдады. Жиында Қ.Мұстафаева «Ардагерлерді ардақтайық!» атты партиялық жобасының негізгі мақсат-міндетін атап өтіп, ардагерлерге, жалғызілікті қарттарға үнемі медициналық көмек көрсетіп, баспаналарын жеңіл жөндеуден өткізіп, ауласын тазалап қолдан келген қамқорлығын аямаған үлкен жүрек иелеріне алғысын білдірді. Сондай-ақ, ол денсаулық сақтау саласының, ауыз су, КРЭК мекемелерінің қызметкерлеріне және аудандық индустриалды-аграрлық колледждің студенттеріне партия атынан «Алғыс хаттарын» табыс етті.
Бұған дейін «Нұр Отан» партиясы аудандық филиалының бастамасымен еріктілер, партия белсенділері шалғайдағы елді мекендердегі тұрғындардың хал-жағдайын біліп, қолдан келген көмектерін көрсетіп келеді. Қайырымды жандардың қайырлы істері әлі де жалғасын табады деп сенеміз.
Нұр НАУАН,
М.АХМЕТОВ (сурет).