"Сыр медиа" қаламгерлері Елордада

Бүгін ел газеті "Егемен Қазақстан" газетінің редакциясында Қызылорда облысына қарасты аудандық газеттердің қаламгерлері аға басылымның бүгінгі тыныс-тіршілігімен танысып, іс-тәжірибесімен бөлісті. Кездесу барысында сайт жұмысын ілгерілетуге қатысты "Егемен Қазақстан" газетінің сайт ісінің басшысы Құрманəлі Қалмахан сайтқа оқырман тарту, əлеуметтік желі, ютуб каналы арқылы қалай жұмыс жасау керектігі жөнінде кеңінен сөз етті. Сонымен қатар, газет бетіне жарияланатын мақаланың мазмұны, тартымды тақырып таңдау мəселелері де сөз болды. Қызылорда облысы əкімінің кеңесшісі Д.Бисембинаның бастамасымен өтіп жатқан семинар "Казахстанская Правда", "КазМедиа" ұжымдарында жалғасатын болады.