ЖҮЙЕЛІ ЖҰМЫС ОҢ НӘТИЖЕСІН БЕРЕДІ

Апта соңында аудандық индустриалды-аграрлық колледжде зерттеу-зерделеу жұмыстарын жүргізу мақсатында құрылған комиссия мүшелері жастармен кездесу өткізді.  Оған ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша мемлекеттік қызмет істері департаментінің бас маманы Мұрат Искаков, аудан әкімдігінің құқықтық бөлім басшысы  Ғалым Жаңашев және колледж басшылары мен студенттер қатысты.

Кездесу барысында  ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша мемлекеттік қызмет істері департаментінің бас маманы Мұрат Искаков студент жастарға білім мен тәрбиені қатар алып жүруді, болашағына балта шабатын қылмыстық әрекеттерден аулақ болуды үндеді.

Сондай-ақ, сала маманы Елбасы Н.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына арнаған дәстүрлі Жолдауына қатысты өз ойын білдіріп, Жолдаудың тоғызыншы бағытына тоқталып, жемқорлықтың зардабын түсіндірді.

Жиынның мұнан әрі өрбуі "Жалағаш жаршысы" газетінің назарында. Сейсенбі күнгі нөмірді жіберіп алмаңыз!