СУРЕТШІЛЕР САЙЫСЫ ӨТТІ
2018 жылдың 7 ақпан күні аудандық ішкі саясат бөлімі, «Жалағаш достық мекені» қоғамдық бірлестігі мен «Қоғамдық келісім» КММ-нің ұйымдастыруымен Қазақстан Республикасының елордасы – Астананың 20 жылдығына орай «Арман қала- Астана» атты суреттер сайысы өтті.
Шараға кент орталығындағы түрлі этнос өкілдерінің оқушылары қатысты. Сайыстың қорытындысымен І орын А.Цой мен Ә.Молдабек алса, ІІ орынды Т.Пак иеленді. Ал, жүлделі ІІІ орынды А.Караченцев қанжығасына байлады. Қатысушыларға арнайы «Жалағаш достық мекені» қоғамдық бірлестігінің Алғыс хаттары мен сыйлықтары табысталды.
