БИЫЛ "АҚТЕРЕК" САУЫҚТЫРУ ЛАГЕРІНДЕ 6 АУЫСЫМДА 482 БАЛА ДЕМАЛАДЫ

«Ақтерек» сауықтыру лагері 1999 жылы асар әдісімен салынып, пайдалануға берілген. 
Лагерде 4 жатын ғимараты, 80 орындық 1 асхана жұмыс жасайды.
«Ақтерек» сауықтыру лагеріне биылғы жылы 1 млн теңгеге жай жөндеу жұмыстары жүргізілді.
Кір жуатын құрал-жабдықтар сатып алуға, сонымен қатар кір жуатын орын және монша салуға жоба-сметалық құжатына бюджеттік өтінім ұсынылды.
Лагерде 6 ауысымда 482 баланы демалыспен қамту жоспарланып отыр. Әрбір ауысымда 80 бала демалады. Қазіргі таңда 2-ауысым жұмысын бастады.
Лагерде жазғы маусым кезеңінде 6 ауысым бойынша (1 маусым-15 тамыз айларында) мектеп педагогтары мен техникалық қызметкерлері жұмыс жасайды.
Лагерде Оқушылар үйінің ұйымдастыруымен қолөнер, бейнелеу өнері, роботехника, волейбол, ағылшын тілі үйірмелері жұмыс жасайды.
Сонымен қатар әрбір ауысымда мектеп педагог-психологтардың психолог сағаттары өткізіледі.