"Оскар – 2018" жүлдесін "Су пішіні" фильмі жеңіп алды

"Су пішіні" фильмі "Оскар" жүлдесін жеңіп алды, деп хабарлайды Today.kz. 
Фильмнің режиссері – Гильермо дель Торо. 
Бұл марапатқа "Мөлдір жіп", "Мені өз атыммен ата", "Дюнкерк", "Миссури, Эббинг шекарасындағы үш билборд", "Күңгірт кезең", "Берд Леди", "Су пішіні", "Әрі кет", "Құпия құжаттама" фильмдері үміткер болған еді. 
"Су пішіні" фильміндегі оқиға 1963 жылы өрбиді. Басты кейіпкер – ғылыми зертхананың мылқау тазалықшысы. Жасырын мекеменің ішінде қолға ұсталған амфибия-адамға зерттеу жасалуда. Әйел мутантқа ғашық болып, оған қашуға көмектеседі.
Америкалық кино өнері мен ғылымдары академиясының беделді жүлдесін табыстау рәсімі Лос-Анджелесте Dolby Theatre театрында өтіп жатыр.