Ресейде Тиматидің шоуына қатысып жатқан қазақстандық қыз Black Star командасының артисімен дуэт орындайтын болды. Бұл туралы Назима Жәнібекова өзінің Instagram-дағы парақшасында жазды, деп хабарлайды Stan.kz ақпараттық агенттігі.

27 жастағы орындаушы рэпер Скруджимен бірге өнер көрсетпек.
“Келесі концертте Назима Black Star лейблінің артисімен бірге өнер көрсетеді. Алғашқы дайындықтың қалай өткенін “Песни.Реалити” шоуының кезекті шығарылымынан көре аласыздар”, – делінген әншінің парақшасында қалдырылған хабарламада.



Айта кетейік, шымкенттік Назима Жәнібекова ТНТ арнасынан көрсетіліп жатқан Тимати шоуына қатысып жатыр. Бойжеткен бұған дейін “Мамасита” және “Падай со мной” туындыларын орындады.


http://stan.kz