Жалағаш ауданының орталық алаңында «Саламатты сандарға қол жеткіз!» ұранымен кең көлемде «Денсаулық фестивалі – 2019» акциясы өтті.
Денсаулық фестивалін Жалағаш аудандық ауруханасының орынбасары Мұрат Нәрікбаев ашып, жұртшылықтың, бұқара халықтың назарын денсаулықты сақтау мен нығайтуға, салауатты өмір салтын ұстануға бағытталған фестивальдің маңыздылығына тоқталды.
Акция аясында жаппай жаттығулар, еріктілердің қатысуымен флешмоб биі, эстафета, спорттық жарыстар ұйымдастырылып, «Денсаулық қалашығы» тұрғызылды. Аудан тұрғындары өздерінің қан қысымын, қандағы қант мөлшерін, бой, салмағын өлшеп, ұйымдастырушыларға ризашылықтарын жеткізді.