Бүгін Жалағаш аудандық тауарлар мен көрсетілетін қызметтердің сапасы мен қауіпсіздігін бақылау басқармасы және ҚР ДСМ ТКҚСҚБК ҰСО ШЖҚ РМК Қызылорда облысы бойынша филиалының Жалағаш аудандық бөлімшесінің қызметкерлері елімізде болып жатқан індеттің алдын-алу мақсатында қолдан тігілген, көп рет пайдаланылатын бетперделер дайындады. Осы бетперделерді «Nur Otan» партиясы Жалағаш аудандық филиалы және «Jas Otan» ЖҚ Жалағаш аудандық бөлімшесінің ерікті жастары Жалағаш кентінің тұрғындарына тегін таратып, алдын - алу сақтық шараларын қатаң ұстануға шақырып, арнайы үнпарақтар таратты.