ТІЛ МЕРЕЙІ
Аудандық кітапханада Қазақстан халықтарының тіл мерекесі күніне орай «Тіл мерейі» атты дөңгелек үстел өтті. Кештің мақсаты – мемлекеттік тіліміз-қазақ тілінің мәртебесін көтеру, қазақ тіліміздің қолданыс кеністігін ұлғайтып, тіл тазалығына назар аудару және жастарды Алаш арысы, қазақ тілінің негізін қалаушы, педагог, түркітанушы, аудармашы Ахмет Байтұрсыновтың өмірі мен шығармашылығымен таныстыру.
Шараға «Қазақ тілі» қоғамының төрайымы Дина Мейірманова, Ерім Төлепбаев мен «Мәдениет және өнерді дамыту орталығының» қызметкерлері, кітапхана мамандары және мектеп оқушылары қатысты.
Дөңгелек үстелде жастарға қазақ тіліміздің ерекшелігі, байлығы, көркемдігі туралы келелі ой қозғалды.
