«Нұр Отан» партиясының Ардагерлерді ардақтайық жобасы аясында «Жас Отан» Жастар қанатының мүшелері, ерікті жастар Жалағаш кенті, А.Қазбеков көшесі тұрғыны, жалғызбасты ардагердің үй шаруасындағы жұмыстарға қолғабыс жасады."Кәріге құрмет – балаға міндет" - дейді, халқымыз. Қазыналы қарияларды құрметтеуді мақсат еткен жасотандық жастар қолдарына құрал-саймандарын алып ардагердің үйіне барды. Үй шаруашына жәрдемдесіп, қажетті көмек көрсетті. Айта кетейік, "Ардагерлерді ардақтайық!" атты партиялық жоба өңірде сәтті жүзеге асып келеді. Бұған дейін мұндай игілікті шара ауданда бірнеше мәрте өткізілген болатын. Көмекке мұқтаж жандарға қол ұшын созып, қажетті көмек көрсетіп келеді.