«1 желтоқсан – ҚР Тұңғыш Президенті күні мерекесі» қарсаңында Жалағаш ауданы әкімі аппаратының мәжіліс залында «Нұр Отан» партиясының қатарына салтанатты қабылдау шарасы болып өтті. 

Мерекелік қабылдауда Жалағаш ауданының әкімі, партия филиалының төрағасы Сәрсенбаев Қайратбек Әубәкірұлы жиынға қатысушыларды айтулы мерекемен құттықтап, Елбасы Нұрсұлтан Әбішұлы Назарбаев жетекшілік ететін «Нұр Отан» партиясы Қазақстандағы көшбасшы партия ғана емес, әлемдік деңгейде де бағыт-бағдары айқын және даму биіктігімен дараланған саяси ұйым екенің, партияның жұмысын жаңғырту мақсатында қараша айының 14-15 күндері өткен Астана қаласында «Нұр Отан» партиясы бастауыш партия ұйымдарының Республикалық форумында «Нұр Отан» партиясы бастауыш партия ұйымдарының қызметін жандандыру тұжырымдамасының жобасы қабылданың айтып, бірқатар жұмыстар тапсырылғаның жеткізді. 
Сонымен қатар партия қатарына жаңадан қабылданған білім, мәдениет, ауылшаруашылығы, кәсіпкерлік салаларының мамандарына партиялық билеттермен партия белсенділеріне облыстық, аудандық партия филиалдарының алғыс хаттарын тапсырды. 
Сөз алған аудандық «Қазақ тілі» қоғамдық бірлестігінің төрайымы Д.Мирман Тәуелсіз Қазақстанның тарихы еліміздің Тұңғыш Президенті Нұрсұлтан Әбішұлы Назарбаевтың еңбегімен тығыз байланысты екенің айтып, партия қатарына жаңадан қабылданған азаматтарды құттықтап, бірлесіп атқарып жатырған жұмыстарға ризашылығын білдірді.