Астана қаласының 20 жылдығына орай аудан әкімі Қайратбек Әубәкірұлы Сәрсенбаевтің қатысуымен Мырзабай ахун ауылдық округіндегі жаңа ауыл әкімшілігі ғимаратының ашылу салтанаты өтті. Тәуелсіздік алған жылдардан бері ауданда алғаш рет жаңадан салынып отырған ауылдық округтің әкімшілік ғимаратын салуға аудандық бюджеттен қаржы қаралып, заман талабына сай қажетті құрал-жабдықтармен қамтамасыз етілген. 

Сондай-ақ, былтырғы жылы Мырзабай ахун елді мекенінің сумен жабдықтау жүйелерін қайта жаңғырту және кеңейту жұмыстарына бюджеттен қаржы бөлініп, 1-2 ай көлемінде сумен жабдықтау жүйелерін қайта жаңғырту жұмыстарының құрылысы аяқталып, ауыл тұрғындарын таза ауыз сумен қамту мәселесі толығымен шешілетін болады.