ҚАЗАҚСТАНДА ВОЛОНТЕРЛІК ҚЫЗМЕТТІ ЖҮЙЕЛІ ТҮРДЕ ДАМЫТПАҚ

Волонтерлік қызметті жүйелі түрде дамыту мақсатында Министрлікпен 2018 - 2020 жылдарға арналған Қазақстан Республикасында волонтерлік қызметті дамыту бойынша жол картасы бекітілді, деп хабарлайды ҚР Дін істері және азаматтық қоғам министрлігінің ресми интернет сайты.
Жол картасы волонтерлердің әл-ауқатын арттыруға, волонтерлік қызмет саласындағы нормативтік құқықтық базасын, волонтерлер мен мемлекеттік органдар арасындағы өзара іс-қимыл механизмдерін жетілдіруге, жастар арасында волонтерлікті дамытуға және ұжымдық волонтерлік қызметті ілгерілетуге бағытталды
Сонымен қатар, ДІАҚМ мемлекеттік әлеуметтік тапсырысы және ҮЕҰ гранттық қаржыландыру шеңберінде 2018 жылға елдегі волонтерлік қызметті үйлестіру бойынша функционалды онлайн-платформа әзірлеу (аталған платформаның мобильді қосымшасын әзірлеумен бірге) және мемлекеттік органдар қызметкерлеріне арналған волонтерлік қызмет субъектілерімен өзара іс-қимыл мәселелері, олардың жұмысына мониторинг жүргізу және волонтерлерді волонтерлік жобаларды іске асыруға тартудың негізгі әдістері бойынша оқытушы семинарлар өткізу жоспарланған.