ЖЕМҚОРЛЫҚПЕН КҮРЕС – БАСТЫ ҰСТАНЫМ

Сыбайлас жемқорлықтың қоғам дамуын тежейтінін біз кейінгі буынға насихаттауымыз керек. Себебі биыл егемендік алғанына отыз толған тәуелсіз Қазақстанның болашағы осы буынға тікелей байланысты.

Жалпы қоғамның бұл дертімен күресу кез келген мемлекеттің басты ұстанымы болып табылады. Десе де оған қарсы шаралар күшейтілген ел ғана оның жемісін көретіні анық. Қазақстан да тәуелсіздік алған жылдардың басынан сыбайлас жемқорлықты болдырмауға күш салып келеді. Себебі ол тамыр жайған қоғамда құлдырау қалыптасарын ел ағалары жақсы біледі.

Қай қоғамда болсын қылмыспен күрескеннен оның алдын алған тиімді екені анық. Осы ретте сыбайлас жемқорлықтың барлық салаға, тіпті тұтас мемлекеттің өркендеуіне кері әсері барын ұғындыру мақсатында біздің елде де түрлі жиындар, кеңестер ұйымдастырылып келеді. Оның жемісін көріп те жатырмыз.

 Тізе берсек, аталған теріс әдеттің салдары жетіп артылады. Бастысы одан өзімізді ада ұстағанымыз абзал. Сонда ғана тәуелсіздігіміз тұғырлы, байрағымыз биік, еңсесі нық мемлекетке айналарымыз анық.

Ғазиз АРУНОВ,
аудандық қазынашылық басқармасының
бас маман-бас қазынашысы